LONDËR – BM vendos regjimin e vizave për të huajt, përfshirë qytetarët e BE-së

LONDËR, 1 dhjetor /ATSH-ANSA/ – Londra do të aktivizojë, duke filluar nga 1 janari 2021, sistemin online të vizave për shtetasit e huaj, përfshirë edhe qytetarët e vendeve të BE-së.

Qytetarët do të duhet të kërkojnë një vizë, nëse duan të udhëtojnë në Britaninë e Madhe për arsye pune.

Qeveria e Boris Johnson ka përsëritur se ”sistemi do të jetë i thjeshtë dhe fleksibël, por sido që të jetë, bëhet fjalë për një shtrëngim të imigracionit”.

Sipas ligjit të ilustruar në atë kohë nga ministrja e Brendshme, Priti Patel, dhe më pas miratuar në parlament, migrimi në ishull do të rregullohet nga fillimi i vitit 2021 nga një mekanizëm pikësh, i ngjashëm me atë prezantuar vite më parë nga Australia.

Kush do të dëshirojë të marrë një vizë si një “punëtor i aftë” duhet të jetë në gjendje të sigurojë një ofertë punësimi me një pagë minimale vjetore prej 25 600 sterlinash (28 500 euro)./   /os/

 

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.