TURQI – Erdogan: Masa të mëtejshme kundër virusit, nëse është e nevojshme

ANKARA, 27 nëntor /ATSH-AA/ – Presidenti turk, Recep Tayyip Erdogan tha sot se vendi mund t’i nënshtrohet masave të mëtejshme antiCOVID-19 për të ndaluar përhapjen e virusit, në mes të rasteve në rritje të infektimeve.

“Ne duhet dhe do të marrim masa në përputhje me hapat e ndërmarrë nga Ministria e Shëndetësisë”, tha Erdogan në një konferencë për shtyp.

Ai theksoi rëndësinë e mbajtjes së maskave, ruajtjen e distancës sociale dhe vëmendjen ndaj higjienës.

“Përsa kohë që këto masa nuk ndiqen, përhapja e virusit është e pashmangshme, veçanërisht në qytetet më të mëdha”, shtoi Erdogan.

Ai theksoi se përpjekjet e Turqisë për të zhvilluar vaksinën COVID-19 ishin në vazhdim e sipër, ndërkohë që vendi është gjithashtu në bisedime me Rusinë, Kinën dhe Gjermaninë për të importuar vaksinën./ /ervo/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.