Londra prezanton një kod për kufizimin e FB dhe Google

LONDËR, 27 nëntor /ATSH-AFP/ – Qeveria britanike njoftoi sot një sërë masash për të kufizuar pushtetin e gjigandëve digjital si Facebook dhe Google, që kanë në përdorimin e të dhënave personale apo reklamave në internet.

Një kod i ri përdorimi, nën drejtimin e një njësie të re të tregjeve digjitale (Digital Markets Units) do të vendoset në kuadër të përmirësimit të konkurrencës dhe mbrojtjes më mirë të konsumatorëve”, sipas një komunikate të Ministrisë së Bizneseve dhe Ministrisë Digjitale.

Qeveria ka vendosur të ndjekë propozimet e bëra në korrik nga autoriteti britanik i konkurrencës, që do të mbajë këtë njësi të re, dhe që ishte i shqetësuar nga dominimi i gjigantëve amerikanë.

“Regjimi ynë i ri pro konkurrencës për tregjet digjitale do të sigurojë që konsumatorët të kenë zgjedhje dhe që bizneset më të vogla të mos përjashtohen”, theksoi Alok Sharma, ministër për Bizneset.

Londra pranon përfitimet e këtyre platformave por tregon përqendrimin e energjisë mes një numri të vogël të kompanive digjitale, gjë që ngadalëson rritjen e sektorit, zvogëlon inovacionin dhe mund të ketë efekte negative në shoqëri.

Kodi i ri mund të detyrojë platformat të jenë më transparente në shërbimet e ofruara dhe në mënyrën se si ata përdorin të dhënat personale.

Konsumatorët do të jenë në gjendje të zgjedhin nëse do të marrin ose jo reklama të personalizuara në internet./ /ec/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.