COVID-19 – Merkel: Masa shtesë në zonat me shkallë të lartë infektimi

BERLIN, 24 nëntor /ATSH-DPA/ – Kancelarja gjermane Angela Merkel ofroi sot mbështetjen e saj për masat antiCOVID-19 të propozuara nga 16 landet e Gjermanisë, me qëllim frenimin e pandemisë, ndërsa propozoi edhe kufizimin e kontakteve shoqërore, sipas burimeve.

“Qeveria federale do të paraqesë masa shtesë në zonat ku ka shkallë të lartë të infektimeve”, theksoi ajo gjatë një takimi me deputetët e CDU-së.

Kancelarja vuri në dukje se gjermanët po kërkojnë qartësi në festimet tradicionale të Krishtlindjeve dhe Vitit të Ri.

Sipas legjislacionit përkatës, vendimet për masa të tilla mund të merren vetëm për periudha katërjavore, që do të thotë se një vendim i mëtejshëm do të jetë i nevojshëm për të mbuluar periudhën e pushimeve./ /ervo/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.