TOKIO – Eksportet rënie me 0,2% në tetor

TOKIO, 18 nëntor /ATSH-DPA/- Vlera e eksporteve japonese u ul me 0,2% në terma vjetorë në 6,56 trilionë jen (63 miliard dollarë) në tetor, duke shënuar muajin e 23-të rresht të rënies, deklaroi qeveria.

Ekonomia e orientuar drejt eksportit të Japonisë ka vuajtur nga kërkesa në rënie në shumë pjesë të botës, e goditur rëndë nga pandemia e Covid-19.

‘’Eksportet drejt Kinës, partneri më i madh tregtar i Japonisë, u rritën me 10.2% në 1.46 trilionë jen për muajin e katërt me radhë të rritjes, ndërsa importet nga ekonomia e dytë më e madhe në botë ranë me 3.7% në 1.39 trilionë jen’’, theksoi ministria e Financave në një raport paraprak.

Eksportet drejt Bashkimin Europian ranë me 2.6% nga viti i kaluar në 599.2 miliardë jen.

Importet e përgjithshme të Japonisë ranë me 13.3% në 5.69 trilionë jen, gjë që çoi në një suficit tregtar prej 873 miliardë jen.  /os/

 

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.