AUSTRI – Nehammer: Sulmi terrorist në Vjenë me motive islamike

VJENË, 3 nëntor /ATSH-DPA/ – Sulmi terrorist në qendër të Vjenës kishte motive islamike, deklaroi sot në mëngjes ministri i brendshëm i Austrisë, Karl Nehammer.

Policia tha se tre kalimtarë të rastit u vranë – dy burra dhe një grua – si dhe një sulmues i cili u qëllua për vdekje nga policia.

”Sulmuesi ishte simpatizant i grupit të milicisë ekstremiste ‘Shteti Islamik”, tha Nehammer në një konferencë shtypi.

”Ai ishte i armatosur me një pushkë dhe gjithashtu mbante një rrip shpërthyes. Ai me sa duket donte të shkaktonte panik”, shtoi Nehammer.

Policia kishte thënë më herët se disa të dyshuar të armatosur me pushkë kishin filluar të shtënat në Seitenstettengasse, një rrugë në qendër të Vjenës, rreth orës 20:00 (19:00 GMT) dhe se të shtënat ndodhën nga gjashtë vende të ndryshme.

Nehammer më herët kishte thënë të paktën një i dyshuar ishte ende i lirë.

Vjena ka 1 000 oficerë policie të vendosur në qytet dhe hetimet janë në zhvillim e sipër.

”Publiku duhet të shmangë ende qendrën e qytetit”, thanë autoritetet.

“Ne nuk mund të përjashtojmë tani që mund të ketë autorë të tjerë”, tha Nehammer.

Të paktën 15 persona u plagosën, duke përfshirë një oficer policie të plagosur rëndë./ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.