COVID-19 – Gjermania zgjeron rregullat e karantinës për vendet fqinje

BERLIN, 30 tetor /ATSH-DPA/ – Qeveria gjermane shpalli sot Kroacinë, Slloveninë, Hungarinë, Bullgarinë dhe Qipron, si zona me rrezik të lartë për COVID-19, që do të thotë se udhëtarët që hyjnë në Gjermani nga ato rajone do të duhet t’i nënshtrohen një karantine, nëse nuk mund të paraqesin një rezultat negativ testi COVID-19 të kohëve të fundit.

Pothuajse e gjithë Austria është shtuar në listën e zonave me rrezik të lartë, duke përjashtuar vetëm dy rajone të vogla.

Për Italinë, rregullat janë zgjeruar për të mbuluar pothuajse të gjithë vendin.

Tani për tani,vetëm Kalabria përjashtohet nga rregullat./ /ervo/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.