SEUL – 17 vjet burg për korrupsion për ish-presidentin Lee

SEUL, 29 tetor /ATSH-ANSA/ – Gjykata e Lartë e Koresë së Jugut konfirmoi sot dënimin me 17 vjet burg, të marrë në apel për ish-presidentin Lee Myung-bak, i shpallur fajtor për korrupsion dhe përvetësim dhe i kërkoi të paguajë edhe shumën prej 13 miliardë wonësh (11,45 milionë dollarë).

Lee, 78 vjeç, ish-president i Republikës nga 2008 në 2013, ka mohuar çdo akuzë, pavarësisht se edhe Prokurori Publik e kishte cilësuar dënimin si ”shumë të butë”.

Gjykata e Lartë sqaroi se ”nuk kemi zbuluar asnjë vlerësim të pasaktë në aktgjykimin e kontestuar”, në lidhje me faktet që kishin çuar në dënimin për korrupsion dhe për shpërdorim të pushtetit.

Lee është presidenti i katërt i Koresë së Jugut që dënohet me burg në kohën e mbarimit të mandatit.

Pas gjykimit të shkurtit, Lee u la i lirë pak kohë, me kusht, në pritje të përgjigjes së Gjykata e Lartë.  /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.