FUTBOLL – Ronaldinho rezulton pozitiv në testin për COVID-19

BERLIN, 26 tetor /ATSH-AA/ – Ish-futbollisti brazilian Ronaldinho konfirmoi mbrëmë se ka rezultuar pozitiv në testin e koronavirusit të ri.

“E bëra testin dhe u rezultova pozitiv për COVID-19. Jam mirë, asimptomatik, por do të duhet ta lëmë ngjarjen për më vonë. Së shpejti do të jemi atje së bashku. Përqafim i madh”, shkroi Ronaldinho në Instagram.

Ai gjithashtu tha se do të qëndronte në vetizolim në Belo Horizonte, kryeqytetin e shtetit Minas Gerais të Brazilit.

Ronaldinho shënoi 33 gola në 97 ndeshje për kombëtaren e vendit të tij midis viteve 1999-2013.

Tashmë 40-vjeçar, ai më parë ishte pjesë e ekipit kombëtar brazilian të futbollit që fitoi Kupën e Botës në vitin 2002, ndërsa fitoi edhe Ligën e Kampionëve UEFA me klubin Barcelona në vitin 2006.

Ronaldinho gjithashtu fitoi çmimin Topi i Artë në vitin 2005, ndërsa u tërhoq nga futbolli profesionist në vitin 2018.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.