Parandalimi i përmbytjeve/ 1 milion lekë investim për sistemimin e ujërave të bardha në Gjirokastër

TIRANË, 22 tetor/ATSH/ Përfundimi i investimit për sistemimin e ujërave të bardha, në zonën përreth Pallatit të Sportit në Gjirokastër do të zgjidhë problematikën e përmbytjeve gjatë stinës së dimrit.
Bashkia e Gjirokastrës bën të ditur se investimi në vlerën 1 milion lekë, mundësoi rehabilitimin e kolektorit kryesor dhe rrjetit të kanalizimeve për disiplinimin e ujërave sipërfaqësore.
Në prag të stinës së dimrit bashkia ka ndërhyrë në disa zona për rehabilitimin dhe mirëmbajtjen e kolektorëve të ujërave të bardha.
Bashkia e Gjirokastër po kryen një sërë investimesh në shërbim të komunitetit.

/k.s/j.p/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.