SLLOVENI – Shpallet gjendje e jashtëzakonshme e epidemisë

ZAGREB, 19 tetor /ATSH-AA/ – Për shkak të rritjes së numrit të rasteve me COVID-19, qeveria e Sllovenisë që nga sot ka shpallur gjendje të epidemisë, e cila do të jetë në fuqi për muajin e ardhshëm për gjithë vendin.

Duke marrë parasysh se numri ditor i të infektuarve me koronavirus ditët e fundit në Slloveni ka arritur një rekord prej gati 900 raste dhe se numri i pacientëve pritet të rritet në periudhën e ardhshme, qeveria sllovene ka shpallur epidemi 30-ditore me mundësinë e forcimit të mëtejshëm të masave epidemiologjike.

Në Slloveni, testet kanë treguar se një në çdo pesë qytetar është pozitiv me COVID-19, prandaj qeveria sllovene ka aktivizuar një situatë emergjente që nga sot, e cila do të jetë në gjendje të forcojë më tej masat shtesë në tri valë.

Nëse numri i të sëmurëve nga COVID-19 rritet në mënyrë progresive, Sllovenia në mënyrë shtesë do të vendosë ndalesë qarkullimi, ndalimin e lëvizjes gjatë natës, duke ndjekur shembullin e masave aktuale të disa vendeve europiane.

Hapi tjetër mund të jetë mbyllja e qendrave tregtare, salloneve, palestrave, kafeneve dhe restoraneve dhe ndalimi i aktiviteteve dhe garave sportive.

Nëse numri i personave në spitalet sllovene mbetet i lartë, qeveria e kryeministrit Janez Jansha si mundësi të fundit do të aktivizojë “mbylljen”, konkretisht mbylljen e shkollave, kopshteve, pezullimin e transportit publik dhe pjesë të ekonomisë.

Sllovenia regjistroi të premten rekord prej 897 rastesh me koronavirus./ /ec/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.