Pagat e mjekëve në shërbimin spitalor, rritje me mbi 61% prej vitit 2013

TIRANË, 11 tetor/ATSH/ Prej vitit 2013 pagat e mjekëve në shërbimin spitalor kanë njohur rritje prej mbi 61%.

Me rritjen prej 40% të vendosur nga qeveria mjekët në shërbimin spitalor përfitojnë rreth 54 891 lekë në muaj, ose 61.6% më shumë se në 2013-n.

Shtesa neto shkon 40 227 lekë në muaj.

Në vitin 2013 paga mesatare për mjekët në shërbimin spitalor llogaritej 64 220 lekë në muaj ndërsa nga 1 janari i 2021 paga mesatare shkon në 120 391 lekë në muaj.

Nga vendimi i qeverisë për rritjen me 40% të pagave përfitojnë mbi 18 mijë infermierë e laborantë.

Kjo rritje bëhet për t’i dhënë një vlerë të shtuar punës e përpjekjes që bëhet nga punonjësit e sektorit të shëndetësisë, sidomos në situatën me të cilën po përballen për shkak të COVID-19.

Mjekët në të gjithë botën po përballen sot në vijën e parë me virusin COVID-19. /a.gjonaj/j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.