UASHINGTON – BB: Amerika Latine rajoni më i prekur në aspektin ekonomik dhe shëndetësor

UASHINGTON, 9 tetor /ATSH-AFP/ – Amerika Latine dhe Karaibet po përjetojnë pasojat më të këqija ekonomike dhe shëndetësore në botë për shkak të pandemisë së COVID-19, sipas Bankës Botërore (BB), e cila parashikon një rënie prej 7,9 % të PBB-së rajonale në vitin 2020.

“Rajoni ynë po përjeton pasojat më të këqija ekonomike dhe shëndetësore në botë, për shkak të COVID-19”, tha zëvendëspresidenti i BB-së për Amerikën Latine dhe Karaibet, Carlos Felipe Jaramillo.

Në raportin e saj, BB vëren se në Amerikën Latine dhe Karaibe numri i vdekjeve është aq i lartë, sa në ekonomitë e përparuara, madje më shumë, por burimet në dispozicion për të përballuar këtë tronditje janë shumë më të kufizuara.

Sipas institucionit monetar, dëmi shoqëror është i madh dhe nivelet e papunësisë janë rritur dukshëm në rajon.

Amerika Latine dhe Karaibet regjistruan sot në total 9 831 306 të infektuar dhe 362 450 të vdekur./ /ervo/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.