COVID-19 – Merkel: Mos udhëtoni drejt zonave me rrezik, në Itali po

BERLIN, 30 shtator /ATSH-ANSA/ – Kancelarja gjermane Angela Merkel këshilloi qytetarët që të mos udhëtonin jashtë vendit, në zonat me rrezik për koronavirusin gjatë pushimeve.

Ndërkohë, ajo sugjeroi Italinë si një destinacion të mundshëm, sepse nuk është në rrezik.

”Itali po tregon kujdes të madh kundër Covid-19”, tha kancelarja.

“Në Europë, ka shumë zona në rrezik”, shtoi ajo duke argumentuar se do të ishte e papërshtatshme të shkohej me pushime.

“Mund të udhëtoni në Gjermani dhe mund të shkoni në zona jo të rrezikshme në Europë. Në Itali, për shembull, pasi veprohet me shumë kujdes”, theksoi Merkel.  /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.