FRANCË – EASA: Boeing 737 MAX i rikthehet shërbimit në Europë

PARIS, 25 shtator /ATSH-AFP/ – Boeing 737 MAX, i ngujuar në pistë prej një viti e gjysmë, pas dy aksidenteve tragjike, është në rrugën e duhur për t’iu kthyer shërbimit në Europë deri në fund të vitit, pasi ka kaluar me sukses disa faza të riçertifikimit, sipas Agjencisë Europiane të Sigurisë së Aviacionit (EASA).

“Jemi në proces të finalizimit të gjithçkaje që duhet të finalizohet dhe besoj se për herë të parë, në një vit e gjysmë, mund të themi se po shohim fundin e punës në MAX dhe se si të jemi në gjendje të rivendosim MAX-in në shërbim deri në fund të vitit “, shpjegoi Patrick Ky, kreu i EASA-s.

Rregullatori europian sqaroi se duhet të ndërmerren ende disa hapa, para se autoritetet ajrore të japin autorizimin e tyre, veçanërisht në trajnimin e pilotëve./ /ervo/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.