“Rënia prej 12,2% e Prodhimit të Brendshëm Bruto në tremujor është shifra më e lartë e regjistruar ndonjëherë në Zelandën e Re”, deklaroi agjencia kombëtare e statistikave.
Tremujori i dytë përkoi me aplikimin e një kufizimi strikt, që u vendos në fund të marsit dhe u hoq dy muaj më vonë.
Zëdhënësi i agjencisë, Paul Pascoe theksoi përveç të tjerave se mbyllja e kufijve të arkipelagut që prje 19 marsit kishte pasur një ndikim të madh në disa sektorë të ekonomisë.
“Industritë të tilla si shitja me pakicë, hoteleritë dhe transporti kanë parë të ardhurat e tyre të ulen në mënyrë domethënëse sepse kanë qenë shumë të prekura nga ndalimi i udhëtimeve ndërkombëtare dhe kufizimet strikte”, shtoi ai.
Ministri i Financave, Grant Robertson theksoi se masat e marra nga qeveria e kryeministres, Jacinda Ardern, që shpreson të rizgjidhet gjatë zgjedhjeve të parashikuara më 17 tetor, kishin mundësuar kufizimin e pasojave ekonomike të pandemisë./ /ec/
