FRANCË – Infeksionet me COVID-19 shënojnë rekordin më të lartë

PARIS, 11 shtator /ATSH-DPA/ – Autoritetet shëndetësore franceze kanë regjistruar rritjen më të lartë ditore të infeksioneve të koronavirusit që nga fillimi i pandemisë, ndërkohë që  qeveria po konsideron masa të mëtejshme për të ndaluar përhapjen e virusit.

”Gjithsej 9 843 raste të reja nga 24 orët e kaluara”, njoftoi agjencia e lajmeve AFP duke cituar Ministrinë e Shëndetësisë.

”Qeveria është e gatshme të diskutojë masat e mëtejshme për të përmbajtur pandeminë dhe komiteti këshillimor shkencor i ka bërë thirrje qeverisë të marrë masa”, sipas raportit.

Shumë mjekë kanë frikë se njësitë e kujdesit intensiv mund të mbingarkohen në vjeshtë, ashtu siç ishin në mars.

Aktualisht, tubimet e mëdha janë të ndaluara.

Në disa qytete, maskat janë të detyrueshme në vende publike dhe madje edhe në rrugë.

Regjistrimi i mëparshëm ditor ishte rreth 7 500 raste, të raportuara në fund të marsit./ /os/

 

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.