FRANCË – Castex: Izolimi antiCOVID-19 i përgjithësuar përjashtohet

PARIS, 11 shtator /ATSH-AFP/ – Evolucioni i situatës epidemiologjike të koronavirusit të ri në Francë tregon një përkeqësim të dukshëm, deklaroi sot kryeministri francez Jean Castex, i cili, megjithatë, përjashtoi idenë e izolimit të përgjithësuar.

“Virusi nuk është zvogëluar në intensitet dhe do të jetë i pranishëm edhe për disa muaj më shumë, por ne duhet të arrijmë të jetojmë me të, pa e lënë veten të zmbrapsemi sërish në një logjikë të izolimit të përgjithësuar”, theksoi ai.

“Ne nuk mund ta vëmë në pritje jetën tonë shoqërore, ekonomike dhe kulturore, pavarësisht nga rritja e infeksionit”, shtoi Castex.

Deklarata e kryeministri vjen pas një takimi të Këshillit të Mbrojtjes kushtuar menaxhimit të epidemisë COVID-19, i cili po përjeton një ringjallje në Francë duke rritur shqetësimet./ /ervo/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.