FOKUS – Gjermania feston në heshtje 30-vjetorin e bashkimit për shkak të COVID-19

POTSDAM, 5 shtator /ATSH-DPA/ – Gjermania fillon sot një seri aktivitetesh për të përkujtuar 30-vjetorin e ribashkimit historik të kombit, me festime të qeta për shkak të pandemisë së koronavirusit.

Në të vërtetë, në vend që bashkimi të përkujtohet më 3 tetor, e njohur si Dita e Unitetit, një varg ngjarjesh më të vogla janë planifikuar gjatë gjithë muajit shtator për të shmangur grumbullimet e mëdha dhe për të zvogëluar rrezikun e përhapjes së Covid-19.

Potsdam, kryeqyteti i shtetit lindor gjerman të Brandenburgut, do të jetë në qendër të ceremonive të vitit 2020.

Aktivitetet për këtë ngjarje vijnë më pak se një vit pasi Gjermania shënoi 30-vjetorin e rrëzimit të Murit të Berlinit.

Bashkimi i vendit, në vend të “peizazheve të lulëzuara” të premtuara nga ish-kancelari Helmut Kohl, pas rënies së Murit, provoi se ishte një projekt kompleks dhe i kushtueshëm për ekonominë më të madhe të Europës.

Sidoqoftë, 30 vjet pas bashkimit, të dy gjysmat e Gjermanisë kanë ndryshime të thella shoqërore dhe ekonomike midis pjesëve lindore dhe perëndimore të vendit.

Kombi po përballet gjithashtu me copëzimin politik dhe ekziston frika se festimet e bashkimit mund të prishen nga përplasjet midis grupeve të ekstremit të djathtë si dhe njerëzve që protestojnë kundër masave të koronavirusit dhe atyre kundër këtyre protestuesve./ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.