UASHINGTON – CBO: Deficiti buxhetor federal më i madhi që nga viti 1945

UASHINGTON, 2 shtator /ATSH-DPA/ – Deficiti buxhetor i qeverisë federale amerikane do të arrijë në 16 % të PBB-së këtë vit, më i madhi që nga fundi i Luftës së Dytë Botërore, në vitin 1945, njoftoi sot Zyra e Buxhetit të Kongresit (CBO).

“Borxhi publik federal do të kalojë 100 % të PBB-së së vendit në 2021”, tha CBO.

Deficiti i qeverisë federale në vitin 2020 parashikohet të arrijë 3,3 trilionë dollarë, kryesisht për shkak të ngadalësimeve ekonomike dhe bllokimeve nga pandemia, si edhe rritjes së shpenzimeve për të ndihmuar zbutjen e goditjes dhe për të përballuar virusin.

Deri në 2030, borxhi federal do të jetë i barabartë me 109 % të PBB-së./ /ervo/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.