“Prefekti, pas bisedimeve me kryetaren e Bashkisë, Anne Hidalgo, do të shtrijë mbajtjen e maskës në të gjithë kryeqytetin, një detyrim i kufizuar deri tani në disa lagje”, theksoi kryeministri duke shtuar se masa po studiohej.
“Padyshim lind pyetja për periferitë e brendshme, duke pasur parasysh qarkullimin mes këtyre territoreve”, shtoi ai në një konferencë shtypi kushtuar epidemisë së koronavirusit që ka fituar terren në territorin francez.
Në Marsejë, një qytet tjetër i madh që ndodhet në një departament “të kuq”, prefekti i rajonit Provence-Alpes-Côte-d’Azur njoftoi disa ditë më parë mbajtjen e detyrueshme të maskës në të gjithë qytetin dhe mbylljen e bareve dhe restoranteve në orën 23:00 në të gjithë Bouches-du-Rhône.
Në Paris, ashtu dhe në Marsejë, numri i rasteve pozitive ka tejkaluar pragun prej 50 duke arritur në 100 000.
Kryeministri nënvizoi gjithashtu se mbajtja e maskës mund të përgjithësohet edhe në pjesë të tjera të 21 rajoneve të vendosura tashmë në zonë të kuqe./ /ec/
