Bufi për ATSH-në: 2500 nxënës të Roskovecit rikthehen në shkolla duke respektuar masat antiCOVID

TIRANË, 26 gusht/ATSH/ Bashkia e Roskovecit ka nisur përgatitjen e institucioneve arsimore për nisjen e vitit të ri shkollor 2020-2021.

Në një prononcim për ATSH-në, kryetarja e bashkisë Roskovec, Majlinda Bufi u shpreh se janë 2503 nxënësit që do të ulen në bankat e shkollës, në respektim të masave antiCOVID.

“Ekipet e bashkisë po kujdesen për çdo hapësirë publike në shkollat dhe kopshtet e nën juridiksionin e Bashkisë Roskovec, duke realizuar pastrimin dhe dezinfektimin e ambienteve të brendshme dhe të jashtme”, tha ajo.

Bufi tha se “arsimi është prioriteti ynë parësor ashtu siç është dhe detyrimi jonë kryesor mbrojtja dhe siguria e nxënësve, për mbarëvajtjen e rregullt të procesit mësimor”.

/m.m/j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.