ITALI – Kalohet pragu prej 1 000 rastesh me COVID-19 në 24 orë, për herë të parë që prej muajit maj

ROMË, 23 gusht /ATSH-AFP/ – Italia regjistroi 1 071 raste të reja me COVID-19 gjatë 24 orëve të fundit duke kaluar pragun simbolik prej një mijë raste për herë të parë që prej 12 majit, sipas një bilanci zyrtar të publikuar dje. 

Në raportin e përjavshëm, Instituti i Lartë i Shëndetësisë (ISS), organizëm shëndetësor publik që varet nga qeveria njoftoi për një tendencë të një përkeqësimi progresiv të situatës epidemiologjike, duke e vënë theksin tek përhapja e virusit në të gjithë territorin kombëtar.

Rajonet që kanë regjistruar më shumë raste janë Latiumi (rajon i Romës, +215), Lombardia (rajon i Milanos, + 185) dhe rajoni i Venecias (verilindje, +160).

“Situata në rajonin e kryeqytetit është shqetësuese. 215 raste të reja përbëjnë një numër rekord”, theksoi Alessio D’Amato, zyrtar i instuticionit shëndetësor të Latiumit. / /ec/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.