BRUKSEL – BE premton 33 milionë euro ndihmë urgjente për Libanin

BRUKSEL, 6 gusht /ATSH-DPA/ – Presidentja e Komisionit të BE-së, Ursula von der Leyen i premtoi sot 33 milionë euro ndihmë urgjente kryeministrit libanez, Hassan Diab, pas shpërthimit masiv në Bejrut.

Paratë do të përdoren për financimin e pajisjeve mjekësore, ndër të tjera.

“Komisioni do të konsiderojë mbështetje të mëtejshme në varësi të vlerësimit të vazhdueshëm të nevojave humanitare”, tha ajo në një njoftim për shtyp.

Von der Leyen ofroi, gjithashtu, mbështetjen e BE-së për të kryer një vlerësim të plotë të nevojave për rindërtimin e qytetit dhe rimëkëmbjen e vendit./ /ervo/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.