UASHINGTON – Trump njofton ndalimin e TikTok në SHBA

UASHINGTON, 1 gusht /ATSH-AFP/ – Presidenti amerikan, Donald Trump njoftoi sot se do të ndalonte në SHBA rrjetin social TikTok, dyshuar nga Uashingtoni se mund të përdoret nga shërbimet sekrete kineze.

“Përsa i përket TikTok, ne e ndalojmë atë në SHBA”, deklaroi Trump për gazetarët në bordin e avionit presidencial “Air Force One”.

TikTok i përket grupit kinez ByteDance. Ai numëron një miliardë përdorues në botë dhe është shumë popullor për të rinjtë.

TikTok u bë objekt i një hetimi të CFIUS, agjencia amerikane e ngarkuar për të siguruar se investimet e huaja nuk përbëjnë rrezik për sigurinë kombëtare./ /ec/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.