ZVICËR – Ryan: Mbyllja e kufijve strategji e pazbatueshme në një plan afatmesëm

GJENEVË, 27 korrik /ATSH-AFP/ – Mbajtja e kufijve të mbyllur nuk është një strategji e zbatueshme për të luftuar kundër koronavirusit të ri, paralajmëroi sot Organizata Botërore e Shëndetit (OBSH), ndërsa pranoi vështirësinë e të paturit një strategji gjithëpërfshirëse në nivel ndërkombëtar.

“Do të bëhet pothuajse e pamundur për vendet që t’i mbajnë kufijtë e tyre të mbyllur në të ardhmen e afërt”, tha Michael Ryan, kreu i OBSH-së për Situatat e Emergjencës, në një konferencë virtuale për shtyp.

“Mbajtja mbyllur e kufijve ndërkombëtarë nuk është domosdoshmërisht një strategji e vlefshme”, shtoi ai, ndërsa pranoi se secili shtet duhej të merrte parasysh individualisht rreziqet e hapjes së kufijve të tij.

Ryan theksoi, gjithashtu, vështirësinë e të paturit të një politike, që funksionon për të gjithë dhe se natyra e rrezikut përcaktohej nga situatat lokale dhe kombëtare./ /ervo/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.