Berat/ Investime me vlerë 4.5 miliardë lekë për rritjen e cilësisë së jetës së qytetarëve dhe zhvillimit të turizmit

https://www.facebook.com/aniladenaj.al/videos/407925443515313/?t=3

TIRANË, 24 korrik/ATSH/ Investimet që po kryhen në bashkinë e Beratit do të kenë një ndikim të madh në rritjen e cilësisë së jetës së qytetarëve si dhe t’i japin një hov të ri turizmit në këtë qytet.

Ministrja e Financave dhe Ekonomisë, Anila Denaj u ndal sot në Berat ku u njoh me ecurinë e projekteve infrastrukturore që po zhvillohen me mbështetjen e buxhetit të shtetit.

Kryetari i bashkisë së Beratit, Ervin Demo deklaroi se këto investimeve pritet të rrisin cilësinë e jetës së qytetarëve, të lehtësojnë qarkullimin, të përmirësojnë shërbimet urbane, si dhe t’i japin një hov të ri turizmit në këtë qytet, si një nga destinacionet e rëndësishme në vend.

Investimet në këtë bashki, gjatë këtij viti, u shpreh Demo pritet të jenë rreth 4.5 miliardë lekë.

Ministrja e Financave dhe Ekonomisë Denaj siguroi për mbështetje edhe për sipërmarrjet, që në këto kohë të vështira të shkaktuara nga pandemia COVID-19, po gjejnë forca dhe mënyra për t’u rimëkëmbur dhe për t’i shërbyer, si turistëve vendas, ashtu edhe të huaj me traditën e mikpritjes beratase. /a.gjonaj/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.