FOTO/ Tokat e Mallakastrës të qëndisura nga fermerët, të cilët falë mbështetjes nga qeveria prodhojnë e fitojnë çdo vit e më shumë

TIRANË, 19 korrik /ATSH – I. Vata/-Kryeministri Edi Rama duke ndarë pamje nga tokat bujqësore të Mallakastrës tha sot se, falë politikës sonë të re për bujqësinë, fermerët prodhojnë, eksportojnë e fitojnë çdo vit e më shumë.

Teksa ka ndarë një fotogaleri nga këto toka bujqësore që duken si vepra arti, Kryeministri Rama i ka cilësuar ato si të qëndisura nga puna e palodhur e fermerëve.

“Nuk janë kryevepra pikture abstrakte, po tokat e qëndisura të Mallakastrës, ku si kudo sot, falë edhe politikës sonë të re për bujqësinë e mbështetjes direkte dhe indirekte në rritje nga shteti, Shqipëria e njerëzve të punës së palodhur që nuk shihet askund në mediet e në kafenetë plot llafe të qytetit, prodhon, eksporton e fiton çdo vit e më shumë”, shprehet Rama. /a.a/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.