“Rrënjët tona”, çelet ekspozita e parë e instrumenteve burimore të zonës Gjirokastër-Tepelenë

TIRANË, 17 korrik /ATSH/ Në Gjirokastër dhe Tepelenë, çelja e ekspozitës së instrumenteve burimore nga këto dy zona, ka sjellë një atmosferë krejtësisht të veçantë kulturore për banorët dhe turistët e huaj në këtë sezon veror.
Bashkitë Gjirokastër dhe Tepelenë me mbështetjen e Ministrisë së Kulturës dhe në bashkëpunim me programin “Nismë Shqiptare për Zhvillim” (AID), nën tematikën “Rrënjët tona” çelën në dje në qytetin e Gjirokastrës për herë të parë ekspozitën e instrumenteve burimore të zonave Gjirokastër-Tepelenë. Ekspozita do të udhëtojë sot në Tepelenë.
Në ekspozitë prezantohen instrumente si: lugë bilbil, instrumente me goditje, fyej dyjare etj. Detaje të veçanta të këtyre instrumenteve janë gdhendjet ku pasqyrohen traditat dhe ritet pagane apo fetare te cilat kanë qenë pjesë e pandashme e historisë sonë.
Bashkia Tepelenë bën të ditur se, ekspozimi i instrumentave burimore, unik në llojin e tyre kanë rëndësi të veçantë për trashëgiminë kulturore e historike të vendit tonë.
“Ato janë instrumente, kryesisht tradicionale të zonës jugore të vendit dhe ripërtëritja e mjeshtërisë së veglave tradicionale burimore duhet mbajtjen gjallë si një tradite popullore e çmuar”, bën të ditur bashkia Tepelenë.
e.xh//a.a/r.e/
Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.