Thaçi: Rritja e numrit të viktimave, dëshmi se rreziku nga Covid-19 është i lartë

PRISHTINË, 6 korrik /ATSH/ -Presidenti i Kosovës, Hashim Thaçi tha se rritja e numrit të të vdekurve në ditët  e fundit është dëshmi se rreziku nga pandemia Covid-19 është ende i lartë.

Thaçi u ka shprehur ngushëllime të gjitha familjeve që humbën të afërmit e tyre nga kjo pandemi.

“Qytetarët e Kosovës duhet të tregojnë kujdes të lartë dhe të respektojnë në mënyrë rigoroze rekomandimet e Institutit Kombëtar të Shëndetësisë dhe institucioneve të Kosovës, në mënyrë që sa më lehtë ta tejkalojmë këtë sfidë globale”, tha ai./KosovaPress/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.