MJEKËSI – Zbulohet çelësi që ”ndez” ndjenjën e përgjegjësisë te truri

MILANO, 5 korrik /ATSH-ANSA/ – Zbulohet çelësi që ”ndez” ndjenjën e përgjegjësisë në tru/

Ai është një qark nervor midis lobit frontal dhe lobit parietal dhe mund të kontrollohet nga jashtë duke ndryshuar vetëdijen për veprimet e dikujt.

Zbulimi, i cili do të ndihmojë në kuptimin e mekanizmave themelorë të sëmundjeve të tilla si skizofrenia dhe sindroma Tourette, është botuar në revistën ”Science Advances” nga studiues të Departamentit të Psikologjisë të Universitetit të Milano-Bicocca në bashkëpunim me Institutin Ortopedik ”Galeazzi”.

Studimi tregon se veprimtaria e trurit që synon planifikimin e veprimeve është thelbësore në përcaktimin e ndjenjës së përgjegjësisë.

Kjo do të forconte të ashtuquajturin ”hipotezë konstruktive”, sipas së cilës ne do të krahasonim parashikimet tona me rezultatin e veprimeve për t’i njohur ato si përgjegjësi.

Studiuesit e zbuluan këtë duke përdorur imazhe të rezonancës magnetike të trurit për të monitoruar aktivitetin e trurit të 25 vullnetarëve, të cilëve iu kërkua të ndiznin një llambë duke shtypur një buton në momentin që do të merrnin një sinjal viziv (gjendje aktive) ose duke e lënë eksperimentuesin të shtypte gishtin e tyre në të njëjtin buton (gjendje pasive).

Pas eksperimentit, pjesëmarrësit duhej të gjykonin intervalin kohor të perceptuar midis veprimit aktiv ose pasiv dhe pasojës së tij./ /os/

 

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.