Foto/ Mjekët e infermierët, të pajisur me mjetet e mbrojtjes personale si ditën e parë të epidemisë

TIRANË, 30 qershor/ATSH/ “Mjekët dhe infermierët, aseti ynë më i çmuar janë sot e gjithë ditën në vijën e parë të përballjes me COVID-19, vijojnë të jenë të pajisur me mjetet e mbrojtjes personale, si ditën e parë të epidemisë”.

Ministrja e Shëndetësisë dhe Mbrojtjes Sociale, Ogerta Manastirliu duke publikuar foto nga qendrat spitalore ku mjekët e infermierët shërbejnë, theksoi se ata vijojnë të jenë të pajisur më së miri.

“Jo vetëm në spitalin Infektiv, por kudo ku ata shërbejnë, nga qendrat shëndetësore në spitale, vijojnë të jenë të pajisur me mjetet e mbrojtjes personale, si ditën e parë të epidemisë, duke ofruar shërbime për çdo qytetar në nevojë, me rihapjen e sistemit shëndetësor”, – theksoi Manastirliu

“T’i ndihmojmë të gjithë bashkë, të kufizojmë përhapjen e COVID-19, duke respektuar rregullat e thjeshta të higjienës, vendosjen e maskës dhe distancimin fizik! Bashkë kundër COVID-19″, – bëri thirrje ministrja Manastirliu. /j.p/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.