Shahini: UÇK-ja mishërimi i përpjekjes për liri, çdo përpjekje për ta cenuar duhet dënuar

TIRANË, 25 qershor/ATSH/ Ministrja e Arsimit, Sportit dhe Rinisë, Besa Shahini e cilësoi sot UÇK-në ushtri çlirimtare dhe mishërimi i përpjekjes për liri.

Në një reagim lidhur me aktakuzat që Prokuroria e Hagës ka ngritur ndaj Presidentit të Kosovës Hashim Thaçit dhe ish-kryeparlamentarit Kadri Veseli, Shahini tha se UÇK është themeli i Republikës së Kosovës.

“UÇK-ja ishte ushtri çlirimtare dhe mishërimi i përpjekjes për liri. Ajo është themeli i Republikës së Kosovës. Çdo përpjekje për të cenuar këtë vlerë të Kosovës duhet dënuar nga të gjithë”, tha Shahini./k.s/j.p/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.