Dibër/ Nis puna për rehabilitimin e rrugëve rurale në njësinë administrative Kastriot

TIRANË, 18 qershor /ATSH – I. Vata/ Bashkia e Dibrës ka nisur punën për sistemimin e rrugëve në fshatrat Kukaj dhe Kandërr, njësia administrative Kastriot.

Kryetari i bashkisë Dibër, Dionis Imeraj tha sot se “prej tri ditësh vijon pandërprerë puna e ekipit të Shërbimeve Publike për rehabilitimin dhe sistemimin e rrugëve në fshatrat Kukaj dhe Kandërr të kësaj njësie”.

“Do të vazhdojmë për të përmirësuar më tej infrastrukturën rrugore rurale për banorët në të gjitha njësitë e fshatrat ku është nevoja. Çdo ditë në shërbim të qytetarëve”, tha ai.

Kjo rrugë është investim i bashkisë Dibër dhe iu shërben qindra banorëve për lëvizjen e lirë të qytetarëve dhe mjeteve dhe lidhjen e tyre me qendrën e qytetit të Peshkopisë.

Sistemimi i plotë i rrugëve të fshatrave Kukaj dhe Kandërr të njësisë administrative Kastriot, u shërben rreth 1000 banorëve të këtyre dy fshatrave. /j.p/r.e/

 

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.