KINË – Rikthehet kufizimi pas rishfaqjes së COVID-19 në 11 zona të Pekinit

PEKIN, 13 qershor /ATSH-AFP/ – Disa dhjetëra banorë të Pekinit rezultuan pozitiv ne COVID-19 duke konfirmuar shfaqjen  e një shpërthimi të ri të kontaminimeve në kryeqytetin kinez, ku një kufizim urgjent u urdhërua në 11 zona.

Këto raste të reja kanë rritur frikën për një rikthim të epidemisë në Kinë, ku u shfaq vitin e kaluar sëmundja e COVID-19, në qytetin e Wuhanit, që autoritetet arritën ta vinin nën kontroll nëpërmjet masave strikte të karantinës.

Këto masa u hoqën pasi numri i rasteve të kontaminimit u ul dhe shumica e rasteve të regjistruara muajt e fundit ishin banorë që jetonin jashtë vendit dhe u testuan pozitivisht pas kthimit të tyre në Kinë.

Kina ka numëruar zyrtarisht 4 634 të vdekur nga pandemia e COVID-19, që ka shkaktuar më shumë e 422 000 viktima në në të gjithë botën./ /ec/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.