Hapja e negociatave për Shqipërinë/ Calavera: Po punojmë për detajet e fundit

TIRANË, 3 qershor /ATSH/ Drejtoresha për Ballkanin Perëndimor në Drejtorinë e Përgjithshme për Politikat e Fqinjësisë Europiane dhe Bisedimet e Zgjerimit në Komisionin Europian, Genoveva Luiz Calavera u shpreh sot se po punohet për detajet e fundit që përcaktojnë kornizën në të cilën do të zhvillohen negociatat për anëtarësimin e Shqipërisë.

“Po me të vërtetë, ne jemi duke punuar në detajet e fundit të këtyre dokumenteve të rëndësishme që përcaktojnë kornizën në të cilën do të zhvillohen negociatat për anëtarësimin e Shqipërisë dhe Maqedonisë së Veriut në anëtarësimin në BE”, tha ajo.

Zëdhënësja e Komisionit Euriopian Ana Pisonero publikoi qëndrimin deklaratën e  Komisionerit Oliver Varhelyi i cili ka bërë të ditur se “Komisioni Europian do të paraqesë kornizat e negociatave për Shqipërinë dhe Maqedoninë e Veriut në Këshillin Europian në qershor, shpresojmë javën e ardhshme”.

/gj.mima/ /a.g//r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.