Skema Kombëtare/ Çuçi publikon hapat e aplikimit për fermerët

TIRANË, 28 maj /ATSH/ Ministri i Bujqësisë dhe Zhvillimit Rural, Bledi Çuçi pak orë përpara hapjes së aplikimeve në Skemën Kombëtare të Mbështetjes për Bujqësinë 2020, u bën thirrje fermerëve se “kush aplikon i pari, përfiton i pari”.
Ministri ka sjellë në vëmendje se aplikimi është shumë i thjeshtë në portalin e-Albania, nga data 29 maj, deri më 16 qershor.
“4 hapa të thjeshtë për të aplikuar online për fondet e skemës kombëtare:
1. Regjistrohu në e-Albania, si qytetar, me të dhënat e kartës tuaj të identitetit.
2. Zgjidh shërbimin “Aplikim për Skemën Kombëtare të mbështetjes për fermerët’’.
3. Zgjidh llojin e fermerit, vendndodhjen e fermës, masën, si dhe sasinë për të cilën do të aplikoni.
4. Kliko dërgo”, informon ministri Çuçi.
e.xh/r.e//a.a/
Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.