Masaj ndaj COVID-19/ Asnjë shkelje në 63 inspektimet e kryera nga ISHSH Gjirokastër

TIRANË, 23 maj/ATSH Rreth 63 monitorime janë kryer në qarkun e Gjirokastrës nga Inspektoriati Shtetëror Shëndetësor.

ISHSH Gjirokastër bën të ditur se “në mënyrë më të detajuar janë monitoruar 16 tregtim produktesh ushqimore, 33 bar-kafe dhe restorant, 4 parukeri dhe berberana, 2 furrë buke , 5 tregtim produktesh jo ushqimore , 1 riparim celularësh, 1 institucione arsimor, 1 zyrë pagesash”.

“Nga monitorimi në 58 subjektet u konstatua se subjektet kishin afishuar protokollet dhe posterat përkatëse, ishin të pajisura me lejen e ushtrimit të aktivitetit, punonjësit ishin të pajisur me masa mbrojtëse dhe higjenizues, si dhe respektohej distancimi social. Në 5 subjekte u konstatua mungesë e lejes së ushtrimit të aktivitetit dhe xhamit mbrojtës. Këto subjekte u këshilluan për realizmin e tyre”, – tha ISHSH.

/k.s/  /a.g/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.