KANADA – Facebook gjobitet për fake news mbi konfidencialitetin e përdoruesve të tij

OTAVA, 19 maj /ATSH-AFP/- Policia kanadeze për Konkurrencën njoftoi sot gjobitjen me 9,5 milionë dollarë kanadezë (6,2 milionë euro) të rrjetit social, Facebook, për dhënien e informacioneve të rreme ose mashtruese në lidhje me mbrojtjen privatësinë e qytetarëve.

“Një hetim doli në përfundimin se kompania bëri përfaqësime false ose mashtruese në lidhje me privatësinë e kanadezëve në Facebook dhe Messenger”, tha Zyra për Konkurrencën në një deklaratë.

Zyra për Konkurrencën e kritikoi Facebook-un për moskufizimin e ndarjes së informacionit personal të përdoruesve të saj me disa zhvillues të palëve të treta, në mënyrë koherente me deklaratat e veta të privatësisë, midis gushtit 2012 dhe qershorit 2018.

Si pjesë e një zgjidhjeje përpara Gjykatës së Konkurrencës, Facebook ka pranuar ta korrigjojë këtë, veçanërisht në lidhje me masat e vërteta që përdoruesit mund të ndërmarrin për të kufizuar qasjen në llogaritë e tyre./ /ervo/

 

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.