Protestat/ Rama: Kur e haje plumbin ballit ishte dikush tjetër kryeministër

TIRANË, 18 maj/ATSH/ Kryeministri Edi Rama deklaroi se sot gjithkush mund të protestojë dhe se nuk duhet kurajo për të dalë në shesh me mua Kryeministër.

“Nuk duhet asnjë kurajo për të dalë në shesh me mua Kryeministër, më beso. Dhe këta që bëjnë këtu kapedanin e dinë shumë mirë se këta si gjen gjë, sa të jem unë këtu. Këta që thonë se u arrestuan, u torturuan, këta i sajojnë këto sepse e dinë shumë mirë që këtu nuk torturohet njeri”, deklaroi Kryeministri.

“Se kur e haje plumbin ballit”, shtoi Rama, ”edhe shkoje në protestë e ktheheshe në arkivol ishte dikush tjetër kryeministër. Edhe këta ishin pula”.

Ndërkohë, tha Rama, që sot gjithkush mund të protestojë. Sipas tij, nuk ka patur asnjë të arrestuar.

“E drejta për të bërë “hajgare” me Policinë e Shtetit shqiptar nuk është një e drejtë e shoqërisë, në asnjë formë që ajo shfaqet, paramilitare ose civile”, deklaroi kryeministri./a.gjonaj/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.