TURQI – 48 viktima në 24 orët e fundit

ANKARA, 8 maj /ATSH-AA/- Plot 86 396 njerëz janë shëruar deri më tani nga koronavirusi i ri në Turqi, njoftuan autoritetet shëndetësore të vendit.

Numri i vdekjeve nga pandemia është rritur në 3 689, pasi Turqia regjistroi 48 viktima të tjera në 24 orët e kaluara, tregoi tabela e përditësuar e Ministrisë së Shëndetësisë me të dhënat në lidhje me koronavirusin, e shpërndarë në Twitter nga ministri Fahrettin Koca.

Vendi regjistroi 1 848 raste të reja, duke e çuar shifrën e të diagnostikuarve në 135 569.

Gjithashtu, mbi 33 687 testime të tjera janë kryer gjatë 24 orëve të fundit dhe numri i përgjithshëm i testeve tani është mbi 1,29 milion.

Sipas ministrisë, numri i pacientëve në kujdesin intensiv është 1 219, ndërsa të intubuar 653.

“Numri i pacientëve të shëruar tejkaloi shifrën 85.000. Në 24 orët e fundit përsëri ka rënie në numrin rasteve, të vdekurve, të kujdesit intensiv, të intubuarve. Shifrat, japin të dhëna në favor të luftës sonë me virusin. Por këta nuk janë rezultate përfundimtare, është një mundësi serioze. Ta shfrytëzojmë mundësinë”, theksoi ministri i Shëndetësisë, Fahrettin Koca. /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.