COVID-19/ Përrenjas, përfituesit tërheqin pagesën e dyfishuar të ndihmës ekonomike 

TIRANË, 10 prill /ATSH/- Mbi 70 mijë familje shqiptare përfitojnë dyfishin e pagesës së ndihmës ekonomike, në kushtet e situatës së jashtëzakonshme që po kalon vendi nga COVID-19.

Në një njoftim, bashkia Përrenjas, njoftoi se familjet përfituese kanë filluar me tërheqjen e pagesës së dyfishuar.

Falë paketës mbështetëse të Qeverisë anti-COVID-19 u bë i mundur dyfishimi i pagesës së ndihmës ekonomike për familjet që rezultojnë përfitues të ndihmës ekonomike ose që kanë aplikuar për të përpara datës 10 mars.

“Pagesa është sa dyfishi i shumës së llogaritur sipas vendimit të Këshillit të Ministrave, Përfituese janë edhe ata që kanë aplikuar para datës 10 mars. Nga kjo paketë përfitojnë mbi 70 mijë familje shqiptare”- citon njoftmi i bashkisë Përrenjas. /j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.