FISHË TEKNIKE – Kryeministrat britanikë të prekur nga sëmundjet

LONDËR, 8 prill /ATSH-AFP/ – Para Boris Johnson, kryeministra të tjerë britanikë janë prekur nga sëmundje gjatë ushtrimit të funksionit të tyre dhe një prej tyre është vrarë.

Më poshtë vijojnë rastet më të njohura:

– Winston Churchill –

Kryeministri më i njohur britanik u sëmur kur ai drejtonte qeverinë gjatë Luftës së Dytë Botërore dhe karriera e tij politike mori fund për shkak të gjendjes së tij shëndetësore.

Winston Churchill pësoi një krizë kardiake gjatë një vizite në Shtëpinë e Bardhë pas sulmit japonez, kundër Pearl Harbor në 1941.

Churchill pësoi gjithashtu një goditje cerebrale në qershor 1953 gjatë mandatit të dytë, gjë që e detyroi të mungonte deri në tetor. Ai më pas arriti të fshehë sëmundjen e tij nga Parlamenti dhe popullata.

Më në fund doli në pension në vitin 1955 dhe u dobësua fizikisht dhe mendërisht.

-David Lloyd George –

Liberali David Lloyd George, kryeministër gjatë Luftës së Parë Botërore u prek nga virusi i gripit spanjoll në shtator të vitit 1918.

Lloyd George ishte 55 vjeç, në moshën e Boris Johnson, kur u prek nga virusi që shkaktoi vdekjen e të paktën 50 milionë personave në të gjithë botën. Ashtu si Boris Johnson, atij desh të qëndronte i kufizuar dhe të vendosej në kujdes intensiv.

– Vikonti i tretë i Palmerstonit –

Henry John Temple, vikonti i tretë i Palmerstonit, i cili ka qenë dy herë kryeministër në mes të shekullit XIX, në krye të fuqisë perandorake britanike, vdiq në krye të ushtrimit të funksioneve të tij.

Ai ishte akoma në detyrë në moshën 80 vjeçare, në 1865, kur u sëmur nga një ethe e dhunshme që shkaktoi dhe vdekjen e tij. Një funeral kombëtar u organizua dhe ai u varros në Westminster Abbey në Londër.

– Tony Blair –

Toni Bler, kryeministër nga viti 1997 deri në 2007, u shtrua në spital urgjent për pesë orë në 2003 për rrahje të parregullta të zemrës.

Mjekët në atë kohë i dhanë një trajtim.

Një vit më vonë, ai iu nënshtrua një operacioni për një problem të aritmisë në zemër.

– Theresa May –

Drejtuesja konservatore Theresa May, e cila shërbeu para Boris Johnson n[ vitet 2016 dhe 2019, vuan nga diabeti i tipit 1, diagnostikuar në vitin 2012.

“Reagimi im ishte: oh jo! Do të më duhet të bëj injeksione”, tha ajo, duke pyetur veten se si do të largohej praktikisht me katër injeksione insulinë që i duhen çdo ditë.

– Spencer Perceval –

Konservatori, Spencer Perceval është i vetmi kryeministër britanik që është vrarë.

Perceval, i cili sundoi vendin për tre vjet deri në vdekjen e tij në 1812, ishte në Dhomën e Komuneve kur një tregtar nxori një armë dhe e qëlloi në gjoks.

Vrasësi i tij, John Bellingham, ishte një tregtar që besonte se ai ishte burgosur padrejtësisht në Rusi dhe kërkoi kompensim nga qeveria./ /ec/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.