UKRAINË – Betejë me zjarret pranë Çernobilit, mes një rrezatimi 16 herë mbi normën

KIEV, 6 prill /ATSH-DPA/ – Zjarrfikësit në zonën e ndalim-kalimit në Çernobil, në veri të Ukrainës, hynë sot në ditën e tyre të tretë të luftës me zjaret në zonë, ende të kontaminuar me rrezatim nga katastrofa e termocentralit bërthamor, më shumë se tre dekada më parë.

”Rrezatimi në zonë ishte 16 herë më i lartë se niveli normal”, tha në një deklaratë një zyrtar i lartë i Ministrisë ukrainase të Mjedisit, Egor Firsov.

”Rreth 25 hektarë tokë pyjore brenda zonës morën flakë”, tha Shërbimi i Urgjencës Shtetërore në një deklaratë.

Asnjë viktimë nuk është raportuar.

Rreth një e katërta e flakës ishte në zonën e Çernernobilit.

Zjarri u raportua të ishte përhapur në një sipërfaqe prej më shumë se 100 hektarësh gjatë fundjavës.

Rreth 140 zjarrfikës kanë punuar për shuarjen e zjarrit.

Shkrirja dhe shpërthimi i reaktorit bërthamor në vitin 1986, rreth 100 kilometra në veri të Kievit, konsiderohet katastrofa më e madhe bërthamore në histori./ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.