ABU DABI – EBA dyfishon planin mbështetës për ekonominë

ABU DABI, 5 prill /ATSH-AFP/ – Emiratet e Bashkuara Arabe njoftuan sot dyfishimin e planit të tyre në mbështetje të ekonomisë duke u rritur në më shumë se 64 miliardë euro, për të lehtësuar ndikimin e koronavirusit të ri.

Vend i pasur me naftë i Gjirit, që ka raportuar zyrtarisht më shumë se 1 500 raste dhe 10 të vdekur me COVID-19, ka ndërmarrë masa paraprake për të luftuar përhapjen e koronavirusit të ri, duke filluar nga mbyllja e hapësirave publike jothelbësore.

“Vlera e përgjithshme e të gjitha masave të kapitalit dhe të likuiditetit të miratuara nga CBUAE (Banka Qendrore e Emirateve të Bashkuara Arabe) që nga 14 Marsi 2020 ka arritur në 256 miliardë dirhemë (64.53 miliardë euro)”, njoftoi institucioni financiar./ /ec/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.