TIRANË, 3 prill/ATSH/ Banorët e qytetit bregdetar të Vlorës vijojnë të respektojnë masat e marra për parandalimin e përhapjes së COVID-19.
Agjencia Telegrafike Shqiptare sjell pamje nga Vlora ku qytetarët po respektojnë masat e marra nga qeveria duke qëndruar në banesat e tyre, teksa shihen rrugët e boshatisura.
Në kuadër të frenimit të përhapjes së koronavirusit në Shqipëri, qeveria mori vendimin për kufizimin e lëvizjes nga ora 05:00 e mëngjesit deri në orën 13:00. Pas kësaj ore, të vetmet automjete që lejohet të qarkullojnë janë ato të Policisë së Shtetit për të kontrolluar respektimin e masave të marra për COVID-19 si dhe mjetet e transportit të mallrave për furnizimin e ushqimoreve. /k.s/j.p/r.e/
