BRUKSEL – Maas: NATO dhe BE duhet të trajtojnë dezinformimin lidhur me COVID-19

BRUKSEL, 2 prill /ATSH-DPA/ –  NATO ka rol të rëndësishëm në trajtimin e dezinformimit rreth pandemisë së koronavirusit, deklaroi ministri i Jashtëm gjerman, Heiko Maas para një videokonference me 29 homologët e tij në aleancën trans-Atlantike.

“Disa po e shfrytëzojnë këtë situatë për qëllime propagande, për ta vënë veten në vëmendje”, theksoi Maas.

“Në rastet kur dyshohet se pas një dezinformimi të tillë qëndrojnë shtete, është e përshtatshme që NATO dhe Bashkimi Europian ta kundërshtojnë këtë dhe të sigurojnë që informacioni të jetë i bazuar në fakte dhe jo në lajme të rreme”, shtoi ai.

Maas theksoi se çështja do të diskutohet nga ministrat e jashtëm të NATO-s, së bashku me mënyrat me anë të së cilave aleanca mund të forcojë më tej përpjekjet për të luftuar virusin. / /sara/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.