NYP: Çdo 17 minuta një njujorkez humb jetën nga COVID-19

NJU JORK, 28 mars /ATSH/ – Koronavirusi po vret një person çdo 17 minuta në Nju Jork, njoftoi gazeta amerikane ”New York Post”.

”Më shumë se 26 600 njerëz janë infektuar në metropol, nga të cilët 5 250 janë shtruar në spital. Pacientët me koronavirus në kujdes intensiv arritën në 1 175 në qytet”, shtoi gazeta.

”Zona më e prekur është Kuins me 8 529 raste, e ndjekur nga Bruklin me 7 091, Bronks me 4 880, Manhatan me 4 627 dhe Stajtën Ajlënd me 1 534”, theksoi ajo.

Organizata Botërore e Shëndetësisë paralajmëroi të martën se SHBA-ja me 330 milionë banorët e saj mund t’ia kalonte Europës duke u bërë epiqendra e pandemisë së COVID-19 në botë./  a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.