COVID-19/ Kurba pas 20 rasteve të para, Shqipëria me rritje të butë falë masave shtrënguese

TIRANË, 28 mar /ATSH/ Masat e ndërmarra në kohë rekord nga qeveria kundër COVID-19, kanë bërë që Shqipëria të shënojë nivelin më të ulët ndër vendet e tjera pas 20 rasteve të para të përhapjes së tij.

Kryeministri Edi Rama, shprehet se “kurba e rritjes së presionit të armikut e matur për çdo vend pas 20 rasteve të para, ku mund të shihni rezultatin e masave shtrënguese dhe rezistencës fantastike të 99% të shqiptarëve deri tani”.

“Tani si do vazhdojmë, me ngjitje të butë që të shpëtojmë Shqipërinë nga katastrofa, duke bërë Rezistencë për Ekzistencë apo do lëshohemi në krahët e frikës se “do vdesim për bukë”, që pastaj kjo shigjeta e kuqe të iki lart si raketë dhe ne të biem në këmbët e armikut duke numëruar qindra e mijëra të vdekur(?)!” – shprehet Rama.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.