ATHINE, 21 mars /ATSH-ANA/ – Tre viktima të tjera të pandemisë së koronavirusit u njoftuan sot në Greqi duke rritur numrin e përgjithshëm të vdekjeve të lidhura me COVID-19 në vendin ballkanik në 13.
Viktimat e fundit që vdiqën nga komplikimet e shkaktuara nga virusi ishin dy burra dhe një grua.
Ministria e Arsimit do të zgjasë ndërkohë mbylljen e institucioneve arsimore deri më 10 prill.
Një vendim i përbashkët ministror do të përcaktojë zyrtarisht datën dhe ndalimin si dhe të gjitha udhëtimet shkollore dhe universitare brenda dhe jashtë vendit.
Masat pasojnë rekomandimet e Komitetit Kombëtar për Mbrojtjen e Shëndetit Publik për të frenuar përhapjen e koronavirusit./ a.jor.